«Robotika eta errealitate birtuala osasun-arlorako: estandarrak eta jardunbide egokiak» jardunaldia

Tecnaliak jarrdunaldi bat antolatu du robotika sanitarioko eta errealitate birtualeko jardunbide egokiei buruz, teknologia horien garapenean lan egiten duten enpresentzat.

Ekitaldia maiatzaren 17an izango da, 8:45ean hasita Miramongo parke teknologikoan (Mikeletegi Pasalekua 2). Aurrez aurre zein online bidez parte hartu daiteke, eta ekitaldiaren hizkuntza ingelesa izango da.

Jardunaldian zehar, nazioarteko adituen bitartez, osasuna zaintzeko sistema robotikoen softwarea, elkarreragingarritasuna eta giza eta robot interfazeak garatzeko jardunbide egokiak eta gomendioak ezagutaraziko dira.

Ekitaldia bi saio paralelotan banatuko da: bata, osasunerako robotikan zentratua, eta bestea, errealitate birtualari buruzkoa, elkarrekintza batzuk barne.

Osasunerako robotika saioaren helburua

Dr. Patrick Courtney eta Dr. Diego Torricelli doktoreek osasunerako teknologia robotikoen garapenean erabili beharreko jardunbide egokiei eta estandarrei buruzko jardunaldian parte hartuko dute.

Amaieran lan-saio bat egingo da jardunaldian parte hartzen dutenen eta gonbidatutako hizlarien artean, osasuna zaintzeko robotikan dauden eta sortzen ari diren teknologiei buruz. DIH-Hero sareko kide gisa, Tecnaliak osasunerako robotikako teknologiak garatzen dituzten enpresa txiki eta ertainei lagundu nahi die, haien ikerketa eta berrikuntza bizkortzeko.

Errealitate birtualeko saioaren helburua

Errealitate birtuala eta areagotua industrian eta osasunean arrakastaz aplikatu da. Hala ere, TACTILITY ekimenean erabiltzailea ingurune birtual horietan murgiltzeko lanean ari dira, esperientzia ukipenezko atzeraelikadurarekin aberastuz.

Genoako eta Aalborgeko Unibertsitateko edo Inria eta TECNALIA ikerketa-zentroetako gaietako nazioarteko aditu batzuek hainbat aplikaziotarako interfaze berriak erabiltzeko dituzten ezagutzak eta esperientziak partekatuko dituzte bertaratutakoekin. Saioaren amaieran bertaratutakoek TACTILITY sistema probatzeko aukera izango dute.

Egitaraua

08:45 Ongi etorria eta erregistroa

11:15 Atsedenaldia eta kafea

12:45 Bazkaria

14:30 Ondorioak

Moderatzailea Thierry Keller doktorea

14:45 Atsedenaldia eta kafea

15:15 Networking* / Demo TACTILITY sistema

16:15 Tecnaliako laborategira bisita eta demoak

17:45 Amaiera

*ilera pertsonalak eskatu ahal izango dira jardunaldiko hizlariekin. Networking bilera horiek jardunaldia baino lehen antolatu ahal izateko, Ainara Garzorekin harremanetan jarri beharko duzue.

Tecnaliari buruz:

TECNALIA Europan erreferentea den ikerketa eta garapen teknologikoko zentro bat da. BRTA (Basque Research and Technology Alliance) erakundeko kide da eta 30 nazionalitatetako 1400 profesional ditu, teknologia BPGd-an eraldatzeko helburuarekin lan egiten dutenak, pertsonen bizi kalitatea hobetzeko eta enpresei negozio aukerak eskaintzeko. Hauek dira bere jarduketa eremu nagusiak: osasuna, eraldaketa digitala, fabrikazio aurreratua, trantsizio energetikoa, mugikortasun jasangarria eta hiri ekosistema.

Produktu eta zerbitzu pertsonalizatuen garapena sustatzen dugu prebentzioaren, diagnostikoaren, pronostikoaren, tratamenduaren eta errehabilitazioaren faseetan, genetika, nutrizioa eta ingurune fisiko eta soziala barne hartzen dituen ikuspegi integral baten bitartez, horiek baitira pertsonen osasunean eragin gehien duten aldagaiak. Zehazki, alor hauetan lan egiten dugu: elikadura osasungarria, neuro-ingeniaritza, biomaterialak, robotika medikoa, osasun digitala, in vitro diagnostikoa, irudi medikoa eta garapen farmazeutikoa.