Europako SOILUTIONS proiektuak lau balio-kate baliozkotu eta optimizatuko ditu, gutxienez bost lurzoru-zuzenketa ekoizteko biohondakinetan oinarrituta.
GAIKER Zentro Teknologikoa, Basque Research & Technology Alliance, BRTAko kidea, Europako Enabling underused bio-waste feedstocks into safe and effective market-ready soil improvers, SOILUTIONS, proiektuan parte hartzen duten hamabi bazkideetako bat da, zeinaren helburua baita lurzoruaren degradazioa lehengoratzea biohondakinetatik eratorritako zuzenketak garatuz.
Europar Batasuneko lurzoruen % 70 inguru degradatuta daude, jasanezinak diren kudeaketa-jardueren eta produktu kimiko sintetikoen gehiegizko erabileraren ondorioz. Degradazio hori handituz doa eta lurraren emankortasuna eta produktibitatea arriskuan jartzen ari da.
Horregatik, arazo garrantzitsu horri aurre egiteko eta biohondakinetatik eratorritako alternatiba iraunkorrak eskaintzeko, ekonomia zirkularraren ikuspegia erabiliz, Horizonte Europa ikerketa eta berrikuntza programak finantzatutako proiektu hau sortu da, eta hiru urteko iraupena du (2023-2026).
Denbora horretan, lau balio-kate baliozkotu eta optimizatuko dira, biohondakinetan oinarrituta sortutako lurzoruaren gutxienez bost medeagarri ekoizteko. Era berean, Living Labs sortuko da Flandrian, Valentzian eta Murtzian, ingurune errealetan interesa duten alderdiekin zuzenean lan egiteko eta horrela bermatu ahal izateko garatutako lurzoru-zuzenketek merkatuaren beharrei erantzuten dietela, ingurumenaren, ekonomiaren eta gizartearen ikuspegitik ondorio positiboak dituztelako eta aurreikuspen sozialak eta legezko araudiak betetzen dituztelako.
Gaur egun, SOILUTIONS proiektuan biohondakinen karakterizazioa lantzen ari dira maila kimiko, biologiko eta toxikologikoan, aurrerago lurzoru-zuzenketa bihurtuko direnak, eta zuzenketa horiek merkaturatzeari eragiten dioten araudiak berrikusten ari dira.
GAIKER da lurzoru-zuzenketak garatzeko lehengai gisa erabiliko diren biohondakinen segurtasun-azterketaren arduraduna, eta ezarritako kalitate- eta segurtasun-baldintzak betetzeaz arduratuko da. Bio-hondakinek izan ditzaketen arrisku toxikologikoen eta garatuko diren lurzoru-zuzenketen ebaluazioa barne hartzen du azterlan honek, bai giza osasunerako, bai ingurumenerako, in vitro eta ekotoxikotasun-saiakuntzen bidez. Gainera, analisi metagenomiko bat egingo da bakterio-komunitateen egituran izan daitezkeen aldaketak aztertzeko, garatutako lurzoru-zuzenketen aurrean. Segurtasun-azterketa honen emaitzak integratu egingo dira eta lurzoru seguruen zuzenketen formulazioak hautatzeko erabiliko dira, diseinu seguru eta jasangarriaren (SSbD) irizpideari jarraituz.
Fundación Gaiker
Zentro teknologikoa, Kanpoko I+G, Zerbitzu teknologikoak, In vitro saiakuntzak, Mikrobiologia, Kultibo zelularra, Toxikologia, Biologia molekularra, Bioteknologia, Polimeroak, Composites, Ingurumena, Birziklatzea.
